Renault компанияси Kangoo E-Tech электр фургонини тақдим этди
Янги модель қайта қувватланмасдан 300 километр масофани босиб ўтиш имконига эга бўлади
Renault компанияси Kangoo фургонининг янги модификацияси — E-Tech’нинг электр версиясини тақдим этди. Бу ҳақда «Коммерсантъ» хабар берди.
Янги модель ташқи ва ички кўринишида ички ёнув двигателли версиялардан деярли фарқ қилмайди. Электромобиль 123 от кучига эга электр мотор ва 45 кВт/соат қувватга эга аккумуляторга эга чиқди. Бу эса уни қайта қувватланмасдан 300 километр масофани босиб ўтиш имконини беради.
Янги Kangoo E-Tech стандарт ва узун ғилдирак базаси версияларида, жумладан, кузовнинг ўнг томонида B устуни бўлмаган версияда мавжуд. Янги маҳсулот ускуналар ва мавжуд вариантлар бўйича стандарт Renault Kangoo’га мос келади.
Renault Kangoo E-Tech 2021 йил охирида, электр фургон эса 2022 йилда Европа бозорига чиқади. Маълумот учун, 2022 йилда Renault Kangoo E-Tech негизида ишлаб чиқариладиган Mercedes-Benz eCitan тақдимоти бўлиб ўтиши керак.
Аввалроқ Ford йўлтанламас Bronco’нинг пойга версиясини тақдим этганди.
