Янгиликлар 11:06 · 08.05.2025
Хорижда ўқиш учун кимларга ссуда берилади
Сурхондарёдаги 4 та туманда тадбиркорлик субъектлари айрим солиқлардан озод қилинади
Солиқ имтиёзлари Бандихон, Қизириқ, Музработ ва Шеробод туманларида татбиқ этилиши белгиланган
Олий Мажлис Сенати томонидан «Солиқ маъмуриятчилиги такомиллаштирилиши муносабати билан Ўзбекистоннинг айрим қонун ҳужжатларига ўзгартиш ва қўшимчалар киритиш тўғрисида»ги қонун маъқулланди. Бу ҳақда юқори палата матбуот хизмати хабар берди.
Маълум қилинишича, қонунининг асосий мақсади қабул қилинган фармон ва қарорларда назарда тутилган тадбирларнинг ҳуқуқий асосларини белгилаб бериш ҳамда тасдиқланган давлат дастурлари ижросини таъминлашдан иборат. Шунингдек, қонунда Сурхондарё вилоятининг Бандихон, Қизириқ, Музработ, Шеробод туманлари, тоғли ва ер майдонлари шўрланган ҳудудларда янгидан ташкил этилган, ушбу туманларда (ҳудудларда) давлат рўйхатидан ўтган ҳолда ўз фаолиятини амалга ошираётган тадбиркорлик субъектларига (кластерлар бундан мустасно) солиқ имтиёзлари тақдим этилиши кўзда тутилган.
Қайд этилишича, тадбиркорлик субъектларининг юридик шахслардан олинадиган ер солиғи, юридик шахслар мол-мулкига солинадиган солиқ, айланмадан олинадиган солиқ, якка тартибдаги тадбиркорлар учун жисмоний шахслардан олинадиган даромад солиғининг қатъий белгиланган суммасини тўлашдан озод қилиниши белгиланган. Имтиёз 2024 йил 1 январга қадар бўлган даврда амал қилади.
Шунингдек, Сурхондарё вилояти тоғли ҳудудлари ва ер майдонлари шўрланган ҳудудларида янгидан ташкил этилган, ушбу ҳудудларда давлат рўйхатидан ўтган ҳолда ўз фаолиятини амалга ошираётган тадбиркорлик субъектлари (бундан кластерлар мустасно) 2021 йил 10 сентябрдан 2024 йил 1 январга қадар бўлган даврда фойда солиғини белгиланган солиқ ставкаларига нисбатан 50 фоиз камайтирилган солиқ ставкалари бўйича тўлаши кўзда тутилган.
Дастлабки ҳисоб-китобларга кўра, имтиёзлар жорий қилиниши натижасида ушбу ҳудудларда 1400 дан ортиқ тадбиркорлик субъектлари янгидан ташкил этилади ва улар ихтиёрида 13 миллиард 400 миллион сўм маблағ қолдирилади.
Аввалроқ Ўзбекистонда божхона тўловининг дастлабки қарорини олиш тадбиркорлар учун ихтиёрий қилиниши мумкинлиги хабар қилинганди. Шунингдек, Ўзбекистонда рақамли экотизимга уланган тижорат платформалари учун солиқ имтиёзи белгилангани ҳақида хабар берилди.
Янгиликлар 11:37 · 06.05.2025
Вояга етмаганлар банк карталарини очиши бўйича талаблар ишлаб чиқилади
Интервью
Зафар Ҳакимов музейлараро экспозициялар алмашиш таклифини билдирди
«Беларусь билан солиштирганда, бу ерда ҳамма нарса энди бошланмоқда» — Тимур Миндаров
«2 млн сўмлик даромадга эга бўлган одамда жамғариш рағбатининг пайдо бўлиши жуда ҳам қийин» — Отабек Бакиров
«Бутун дунёда омонатларни кўпроқ катталар шакллантиради, кредитлардан кўпроқ ёшлар фойдаланади» — Отабек Бакиров
«Ўзбекистонда IT бўйича қилинадиган ишлар ҳали кўп» — россиялик мутахассис билан суҳбат
Рейтинг
Ўзбекистоннинг энг кучли 10 банки рейтинги эълон қилинди
O‘zbekiston pasportining jahon reytingidagi o‘rni o‘zgardi
2024-yilning 9 oyida O‘zbekistondagi qaysi onlayn to‘lov tizimi eng yuqori daromadga erishdi?
O‘zbekistonda tug‘ilish va nikoh kamaydi
O‘zbekiston Elektron hukumat reytingida 6 pog‘onaga yuqoriladi
Таҳлил
Ўзбекистон уй-жой бозори: нархлар барқарорлашмоқда
Кўчмас мулк бозори ўз позициясини мустаҳкамламоқда — таҳлил
Давлат хизматчиларининг даромадини декларациялаш нимага керак?
АҚШ ва Украина ўртасида нодир металлар тўғрисидаги битим имзоланмади
Ҳар ўнинчи дастурчи — «арвоҳ». Иш жойида амалий фойда келтирмайдиган дастурчилар баҳоланди