Samsung янги Galaxy Tab A8 планшетини тақдим этди. Бу ҳақда компания расмий сайтида хабар берилди.

Маълум қилинишича, ускуна 15,5 дюймлик WUXGA (1920х1200 пиксел) аниқлигига эга TFT-дисплей ва 2 гигагерц частотали 8 ядролик процессор билан жиҳозланган. Шу билан бирга, чипнинг ишлаб чиқарувчиси маълум қилинмаган. Galaxy Tab A8 версиясига кўра 3 ва 4 гигабайтлик оператив ҳамда 32, 64 ёки 128 гигабайтлик ўрнатилган хотира билан чиқарилади. Планшетга 4 та Dolby Atmos динамики ва 3,5 миллиметрлик қулоқчин улагичи ўрнатилган.

Бундан ташқари, планшетда 1 терабайтгача бўлган microSD хотира қартаси дастаги, Wi-Fi 5 ва Bluetooth v5.0 симсиз алоқа протоколлари, қимматроқ вариантларда эса 4G/LTE уяли алоқа модули мавжуд. 7040 миллиампер/соатлик ўрнатилган аккумулятор 15 ваттгача тезкор симли қувватлаш имконини беради.

Samsung Galaxy Tab A8’нинг нархи маълум қилинмаган. Планшет Европада 2021 йилнинг декабрида, АҚШда эса 2022 йилнинг январида сотувга чиқарилади.

Аввалроқ Samsung Россияда смартфонлар сотуви бўйича биринчи ўринга кўтарилгани хабар қилинганди. Шунингдек, Samsung суднинг Россияда 61 та смартфон моделини сотиш тақиқига қарши апелляция бергани ҳақида хабар берилди.