Apple М2 чипли MacBook ишлаб чиқаради
Қурилманинг экран ўлчами ва хотира ҳажми камайтирилади.
Apple компанияси 2022 йилда М2 чипли MacBook ишлаб чиқаради. Бу ҳақда Bloomberg таҳлилчиси хабар берди.
Маълум қилинишича, Apple М2 чипига асосланган базавий MacBook Pro’ни ишлаб чиқмоқда. Янги қурилма 13 дюймли М1 чипига эга моделнинг ўрнини босади.
Қайд этилишича, MacBook биринчи марта М2 чипига эга бўлади. Қурилманинг нархини янада демократик қилиш учун компания экран ўлчами ва хотира ҳажмини камайтирган ҳамда ProMotion (120 гигагерц) қўллаб-қувватлашини қўшмаган.
Қайта ишлаш қуввати бўйича янги чип М1 базасидан ошиб кетади, лекин М1 Pro ва М1 Max’дан кам. MacBook Air, Mac mini ва 24 дюймли iMac’нинг янги версиялари ҳам М2 билан жиҳозланади.
Аввалроқ Apple беларуслик iOS дастурчилардан узр сўрагани хабар қилинганди. Шунингдек, Apple март ойида янги ҳамёнбоп iPhone’ни тақдим этиши ҳақида хабар берилди.
