Американинг Apple компанияси 15 февралдан бошлаб офис ва чакана савдо дўконларида ишловчи ходимларидан коронавирусга қарши қайта эмланишни талаб қилади. Бу ҳақда Verge интернет портали компания ходимларига йўлланган хатга таяниб хабар берди.

«Коронавирусга қарши эмлашнинг биринчи босқичлари самарадорлигининг пасайиши ва «омикрон» каби ўта юқумли штамларнинг пайдо бўлиши сабабли бустер доза энди жиддий касалликлардан ҳимояланиш учун ўз вақтида ўтказилган COVID-19’га қарши эмланишнинг бир қисмидир», дейилади мактубда.

Хатда айтилишича, ходимларга 15 февралдан бошлаб қайта эмланиш учун тўрт ҳафта вақт берилади. Акс ҳолда, ходимлар корпорация дўконлари, ҳамкор компаниялар дўконлари ёки Apple офисига ташриф буюриш учун коронавирус тестларидан ўтиши керак бўлади.

Вакцинация қилинмаган ёки ҳали эмланганлигини тасдиқловчи ҳужжат тақдим этмаган ходимлар 24 январдан бошлаб ишга келгунга қадар коронавирус учун тезкор тестнинг салбий натижасини тақдим этиши шарт.

Аввалроқ Apple 2021 йилда App Store учун дастур ишлаб чиқувчиларга қанча тўлагани маълум бўлганди.