Aston Martin компанияси DBX707 флагман кроссоверини тақдим этди (фото)
Янги кроссовер 2022 йилнинг баҳорида сотувга чиқарилади.

Aston Martin компанияси энг кучли серияли премиум кроссоверга айланган DBX707 флагман кроссоверини тақдим этди. Бу ҳақда «Коммерсантъ» хабар берди.
Маълум қилинишича, янги кроссовер 4 литр бензинли V8 турбомоторга эга бўлган. Унинг қуввати янги бошқарув блоки ва янги турбиналар туфайли 550 дан 707 от кучига оширилган. Бу эса моделни оммавий ишлаб чиқарилган премиум кроссоверлар орасида энг кучлисига айлантирган.

Қайд этилишича, 9 поғонали автомат узатмалар қутиси кучлироқ двигатель учун ўзгартирилган. Суспензия қайта созланган ва углерод-керамика тормозлари асосий пакетга киритилган. DBX707 янги радиатор панжараси ва ишлаб чиқилган диффузорли махсус аэродинамик кузов тўпламини олган ва салонда спорт ўриндиқлари ҳамда электр станциясининг иш режимини танлаш учун алоҳида селектор пайдо бўлган.

Янги Aston Martin DBX707 2022 йилнинг баҳорида сотувга чиқарилади.
Аввалроқ жаҳоннинг энг қиммат 10 та суперкари ҳақида хабар берилганди. Рўйхатга Aston Martin’нинг Valkyrie гиперкари ҳам киритилган бўлиб, машинанинг тахминий нархи 3,2 млн долларни ташкил қилиши маълум қилинган.


