Австрия канцлери Карл Неҳаммер Украина атрофидаги вазият Европа бозорида газ нархининг ошишига сабаб бўлаётганини айтди. Бу ҳақда Sputnik хабар берди.

Маълум қилинишича, Австрия ҳукумати энергия нархини ошириш учун 28 январь куни фавқулодда йиғилиш ўтказган. Австрия канцлери Карл Неҳаммер асосий эҳтиёжлар, шунингдек, электр ва иситиш харажатлари сезиларли даражада ошишини эълон қилган. Йиғилиш натижасида фуқароларни қўллаб-қувватлаш учун 1,7 миллиард евро ажратишга қарор қилинган.

«Албатта, Украина ва Россия ўртасидаги можароли вазият ҳам газ нархининг ошишига олиб келади. У ерда вазият ўта таранг бўлиб қолмоқда», — деган Неҳаммер.

Таъкидланишича, Европада газ нархи 2021 йилнинг кузида тез кўтарила бошлаган, бу эса энергия бозорида инқирозга олиб келган.

Мутахассислар ёқилғи нархининг кескин ошишини қайта тикланадиган энергия манбаларига ўтишга уринаётган Европа Иттифоқи расмийларининг нотўғри ҳисоб-китоби билан боғлаган. Инқироз фонида Европа Иттифоқининг айрим давлатлари «Газпром»ни қитъага етказиб беришни қисқартиришда, шунингдек, нархларни манипуляция қилишда айблаган. Шу билан бирга, европалик истеъмолчилар Россия компанияси барча шартнома мажбуриятларини бажараётганини тан олган.

Аввалроқ Европа омборларида сақланаётган газ ҳажми 40 фоиздан пастга тушгани хабар қилинганди. Шунингдек, АҚШ ва Қатар Европага газ етказиб бериш бўйича музокара ўтказгани айтилгани ҳақида хабар берилди.