БМТга ёрдамга муҳтож инсонлар учун қанча маблағ кераклиги маълум қилинди
БМТнинг гуманитар масалаларни мувофиқлаштириш бошқармаси ҳисоб-китобларига кўра, 2023 йилда дунёдаги энг заиф 230 миллион кишига гуманитар ёрдам кўрсатиш учун 51,5 млрд доллар керак бўлади

БМТнинг гуманитар масалаларни мувофиқлаштириш бошқармаси ҳисоб-китобларига кўра, 2023 йилда 68 мамлакатда 339 миллион киши ёрдамга муҳтож бўлади.
БМТнинг 1 декабрда эълон қилинган йиллик Глобал гуманитар шарҳига кўра, 2023 йилда дунёдаги энг заиф 230 миллион кишига гуманитар ёрдам кўрсатиш учун рекорд даражадаги 51,5 миллиард доллар керак бўлади, бу 2022 йил бошига нисбатан 25 фоизга кўп.
2023 йилда қўшимча 65 миллион киши ёрдамга муҳтож бўлиб, 68 мамлакатда ёрдамга муҳтож инсонлар сони 339 миллионга етади. Бу сайёрадаги одамларнинг 4 фоизидан кўпроғини ёки тахминан АҚШ аҳолисини ташкил қилади. Ҳужжатда айтилишича, 53 мамлакатда камида 222 миллион киши 2022 йил охиригача ўткир озиқ-овқат хавфсизлигига дуч келади, шундан 37 мамлакатда 45 миллион киши очликдан ўлиш хавфи остида.
«Бу йилги экстремал воқеалар 2023 йилга тўғри келиши сабабли гуманитар эҳтиёжлар ҳайратланарли даражада юқори», деди Бирлашган миллатлар ташкилоти бош котибининг гуманитар масалалар ва фавқулодда ёрдам координатори Мартин Гриффитс.
Шунингдек, Гриффитс сўзларига кра, «Покистондан тортиб Африкагача бўлган ҳудуддаги ҳалокатли қурғоқчилик ва сув тошқинлари. Украинадаги уруш Европанинг бир қисмини жанг майдонига айлантирди», айланган. Бундан ташқари, дунёда 100 миллиондан ортиқ одам қочқинга айланганини таъкидлади.






