BMW янги Concept XM кроссоверини тақдим этади. Концепт-кар асосида BMW X8 ишлаб чиқарилиши мумкин
BMW Concept XM асосида BMW X8 серияли флагман кроссовери ишлаб чиқарилиши кутилмоқда

BMW 2021 йилда тақдим этиладиган концепт-кар мақомига эга янги Concept XM кроссовери анонсини эълон қилди. Бу ҳақда компаниянинг Facebook’даги саҳифасида хабар берилди.
Германия автомобиль ишлаб чиқарувчисининг маълум қилишича, янги автомобиль гибрид электр станциясига эга бўлади. Прототипнинг илк тақдимоти BMW M бўлинмасининг 50 йиллиги муносабати билан ўтказилади.
Қайд этилишича, BMW Concept XM олд томони дизайни янгича кўриниўда бўлади. У келгусида ишлаб чиқариладиган BMW M кроссоверлари учун маркаланади. Прототип асосида ишлаб чиқарилган модель BMW M тарихидаги BMW M1 спорткаридан кейин ишлаб чиқарилган моделга асосланмаган иккинчи автомобиль бўлади.
Концепт-кар тақдимоти 29 ноябрь куни АҚШдаги Art Basel кўргазмасида бўлиб ўтади. Шунингдек, BMW Concept XM асосида BMW X8 серияли флагман кроссовери ишлаб чиқарилиши кутилмоқда.
Аввалроқ Porsche Taycan’нинг кучайтирилган версияси тақдим этилганди.






