Brent ва Urals маркали нефть нархи 2014 йилдан бери энг юқори даражага кўтарилди
Шарқий Европа ва Яқин Шарқдаги геосиёсий кескинлик нарх кўтарилишига таъсир қилмоқда.
Лондоннинг ICE биржасида Brent маркали нефть нархи бир баррель учун 92 доллардан ошди. Ушбу кўрсаткич охирги марта 2014 йил 7 октябрда қайд этилган.
«Коммерсантъ»нинг ёзишича, апрель фючерслари нархи 89,83 долларга (+1,5 фоиз) кўтарилган. WTI март фючерслари 91,87 доллардан (+1,6 фоиз) сотилмоқда.
Шунингдек, 3 февраль куни Европада Россиянинг экспорт нефти — Urals нархи бир баррель учун 93 доллардан ошган. Нефтнинг нархи сўнгги марта 2014 йилда бу қадар кўтарилганди.
Таъминот учун хавф омиллари — Шарқий Европа ва Яқин Шарқдаги геосиёсий кескинлик нарх кўтарилишига таъсир қилмоқда. ОПEК+нинг сўнгги йиғилишида ташкилот нефть қазиб олишни кунига 400 минг баррелга оширишга келишиб олганди, бу эса нефть нархининг тушишига олиб келиши мумкин.
Аввалроқ Brent маркали нефть нархи 2014 йилдан бери илк марта 89 доллардан ошгани хабар қилинганди.
