Британия Украина энергетика инфратузилмасини тиклаш учун 11,8 млн доллар ажратади
Британия Украинадаги энергетика инфратузилмаси объектларини тиклаш учун 11,8 млн доллар ажратади. Ушбу маблағ Украинанинг энергияни қўллаб-қувватлаш халқаро жамғармасига тақсимланади. Келажакда белгиланган пулларнинг ярми Украина ҳукумати ихтиёрига ўтади
Британия Украинадаги энергетика инфратузилмаси объектларини тиклаш учун 10 миллион фунт стерлинг (11,8 миллион доллар) ажратади. Бу ҳақда ТASS хабар берди.
Қайд этилишича, маблағ Украинанинг энергияни қўллаб-қувватлаш халқаро жамғармасига тақсимланади. Белгиланган маблағнинг ярми яқин келажакда Украина ҳукумати ихтиёрига ўтади.
Баёнотда, шунингдек, Британия сўнгги ҳафталарда 850 дан ортиқ генератор сотиб олиш учун 7 миллион фунт стерлинг (8,2 миллион доллар) ва Украинадаги фуқаролик ядро саноати хавфсизлигини таъминлаш учун 5 миллион фунт стерлинг (5,8 миллион доллар) сарфлаган.
Бундан ташқари, Лондон Европа тикланиш ва тараққиёт банки орқали «Укренерго» давлат энергетика компанияси учун 50 миллион доллар кредит кафолати тақдим этди.
