Британиянинг D-Fly компанияси дунёдаги энг кучли дея айтилаётган Dragonfly электроскутерини тақдим этди.

Маълумотларга кўра, электроскутер 159 килограммгача оғирликни кўтара олади. Максимал тезлиги соатига 40 км/соатни ташкил қилади. Скутер 550 Вт қувватга эга иккита марказий двигатель билан ҳаракатланади – ҳар бир олд ғилдиракда биттадан – олинадиган литюм батареядан қувватланади.

Фойдаланиш ва бошқарувчининг вазнига қараб, скутер тўлиқ заряд билан 80 километргача масофани босиб ўтиши мумкин.

Dragonfly электроскутери алюминий ва магний компонентлари билан бир қаторда автомобиллар учун мўлжалланган углерод толасидан тайёрланган. У аэрокосмик тоифадаги алюминий тиргак билан бирлаштирилган (уни сақлаш ва ташиш учун букланиши мумкин) ва 10 дюймли пневматик табиий каучук шиналар билан қопланган тўртта мустақил осилган ғилдиракларга айланади.

Шунингдек, бошқа хусусиятлар орасида иккита LED фаралар, олд/орқа бурилиш кўрсаткичлари ва тормоз чироғи мавжуд. Бундан ташқари ғилдиракларни қулфлаб қўядиган ва скутер қаровсиз қолдирилганда ҳаракатланса, 90 десибелли сигнал чиқарадиган ўғирликка қарши тизим ва 7 дюймли HD рангли сенсорли дисплей ўрнатиш мосламалари мавжуд.

Скутернинг бозордаги нархи 2 700 доллардан бошланади.