Буюк Британия регулятори Meta’нинг Giphy билан келишувини блокламоқчи
Компания барча огоҳлантиришларни эътиборсиз қолдирган
Буюк Британиянинг рақобат ва бозорлар бошқармаси (CМА) Meta компаниясининг Марк Цукерберг томонидан Giphy онлайн платформасини сотиб олиш жараёнини блоклайди. Бу ҳақда Financial Times ўз манбаларига таяниб хабар бермоқда.
Facebook 2020 йилнинг май ойида анимацион тасвирлар ёки гифларни яратиш ва алмашиш учун Giphy веб-сайтини Instagram’га интеграция қилиш мақсадида сотиб олди. Axios портали келишувни 400 миллион долларга баҳолади.
Буюк Британия регулятори 2021 йил октябрь ойида Facebook (ҳозирги Meta)ни харид пайтида талабларни бузгани учун 69,6 миллион доллар жаримага тортди.
«Текширув давомида Facebook ўз ишини Giphy билан бирлаштирмаётгани тўғрисида тўлиқ ҳисобот тақдим этиш талабига атайлаб бўйсунмади», дейилади регулятор хабарида.
Бундан ташқари, компания барча огоҳлантиришларни эътиборсиз қолдирган.
Аввалроқ АҚШнинг Огайо штати прокуратураси илгари Facebook номи билан машҳур бўлган Meta Platforms компанияни ўз алгоритмларининг болаларга таъсири ҳақида жамоатчиликни чалғитганликда айблаб, судга мурожаат қилганди.