Буюк Британия Донецк ва Луганск мустақиллигининг Россия томонидан тан олинишига жавобан рус банклари ва бизнесменларига қарши санкциялар киритди. Бу ҳақда бош вазир Борис Жонсон парламент йиғилишида маълум қилди.

Маълумотларга кўра, чекловлар даромад даражаси жуда юқори бўлган уч нафар шахсга қаратилган. Булар миллиардерлар Геннадий Тимченко ва Борис Ротенберг ҳамда Forbes рўйхатидаги бизнесмен Игорь Ротенберглардир.

Шунингдек, Россиянинг бешта банки: Forbes банки, «Промсвязьбанк», Индустриал омонат банки, Генбанк ҳамда Қора денгиз тараққиёт ва тикланиш банкларига қарши ҳам санкциялар киритилган.

Санкциялар Британия ҳукумати ахборотида кўрсатилган активларни музлатишни назарда тутади. Олдинроқ Жонсон бу санкциялар фақат биринчи босқич бўлишини таъкидлаган.

Pen & Paper’нинг санкциялар қонунчилиги бўйича махсус маслаҳатчиси Сергей Гландиннинг фикрича, жорий қилинган санкциялар вазиятга унчалик таъсир қилмайди.

«Ҳамма қўрққан энг жиддий жавоб Россияга бостириб киришга тайёргарлик кўриш эди. Ғарб республиканинг тан олинишига жавоб бера олмади, аммо эълон қилинган чоралар кутилмоқда», — деган Гладин Вашингтоннинг чораларидан кейин Лондоннинг жавоби «унчалик кучли эмас»лигини қайд этган ҳолда.

Унинг таъкидлашича, «Россия» каби кўплаб банклар узоқ вақтдан бери АҚШнинг санкциялари остида бўлиб, улар банкни 2014 йилда ғарбий периметрдан «айирган».

«Ўшанда Британия банклари қўрқувдан ‘Россия’ банки билан барча алоқаларни узиб қўйганди», — дея шарҳлайди эксперт.

Қайд этилишича, 21 февраль куни Президент Владимир Путин Донецк ва Луганскнинг мустақиллигини тан олишга қарор қилган ва улар билан дўстлик ҳамда ҳамкорлик шартномаларини имзолаган. 22 февраль куни бу келишувлар Давлат Думаси ва Федерация Кенгаши томонидан ратификация қилинган.

Москванинг бу ҳаракатини АҚШ Президенти Жо Байден, Германия канцлери Олаф Шольц ва Франция Президенти Эмманюэль Макрон қоралаб, бу қарор «жавобсиз қолмаслигига» ваъда берди. Байден Донбассдан товарлар ва технологияларни олиб кириш ҳамда экспорт қилиш ва иқтисодиётга инвестиция киритишни тақиқлади.

Бундан ташқари, Шольц «Шимолий оқим-2»ни сертификатлаш жараёнини тўхтатишга буйруқ берди. Еврокомиссия раҳбари Урсула фон дер Ляйен Донецк ва Луганскнинг тан олинишини қоралади ва ушбу қарорга алоқадор бўлганларга нисбатан санкциялар қўллашга ваъда берди.

Шунингдек, Донецк ва Луганскни тан олиш ғоясида Давлат Думасининг 350 нафар депутати ва бошқа шахслар иштирок этгани аниқланди. Таъкидланишича, Европа Иттифоқи санкциялари банклар ва Россия давлат қарзларига қаратилиши мумкин.

Аввалроқ Луганск ва Донецк тан олинганидан сўнг Россия фонд бозори қулагани хабар қилинганди. Шунингдек, Германия Россиянинг Луганск ва Донецкни тан олишига жавобан «Шимолий оқим-2» газ қувурини сертификатлашни тўхтатишга қарор қилгани ҳақида хабар берилди.