ChatGPT нима ва у қандай қилиб тарихдаги энг тез ривожланаётган дастурга айланди?
OpenAI компанияси 2022 йил ноябрь ойи охирида ChatGPT универсал чат-ботини тақдим этди. У турли вазифаларни бажаришга қодир ва барча хоҳловчилар учун очиқ
OpenAI компанияси 2022 йил ноябрь ойи охирида ChatGPT универсал чат-ботини тақдим этди. У турли вазифаларни бажаришга қодир ва барча хоҳловчилар учун очиқ.
ChatGPT нима?
ChatGPT — бу суҳбат қуриш, коддаги хатоларни қидириш, шеър ёзиш, сценарий ёзиш ва ҳатто баҳслашишга қодир бўлган чат-бот.
Bloomberg таҳлилчиларининг қайд этишича, ChatGPT бошқа нейрон тармоқлардан турли соҳалардаги вазифаларни бажариш қобилияти билан ажралиб туради. Нейрон тармоқ, жумладан, асосий дастур кодини ишлаб чиқиши, молиявий таҳлиллар, техникага оид мақолалар ёки илмий тушунчалар хулосалари, прогнозлар, шахсий маслаҳатлар ва ҳар қандай саволларга ахлоқий жавоблар бериши мумкин. Бундан ташқари, у фойдаланувчи билан суҳбатнинг тафсилотларини эслаб қолади ва баҳсли мавзулардан қочади.
ChatGPT’нинг имкониятлари қандай?
Нейрон тармоқнинг имкониятлар доираси кенг. Масалан, ChatGPT билан орқали:
- код ёзиш;
- қийин саволларга жавоб бериш;
- сценарийларни яратиш;
- қўшиқ матни ва шеър ёзиш;
- режалар ва ҳисоб-китобларни яратиш;
- иншолар ва эсселар ёзиш;
- бошқа нейрон тармоқлардан сўровларни яратиш.
Чат-ботнинг муваффақияти нимада?
ChatGPT нейрон тармоғининг фаол фойдаланувчилари сони январь ойида 100 миллионга етди ва бу орқали у тарихдаги энг тез ривожланаётган истеъмолчи иловасига айланди. Microsoft Corp (MSFT.O) томонидан қўллаб-қувватланган OpenAI хусусий компания уни ноябрь ойининг охирида барча учун бепул тақдим этди.
Similarweb таҳлилий компанияси ҳисоботига кўра, январь ойида ўртача ҳисобда кунига 13 миллиондан ортиқ фойдаланувчи нейрон тармоқдан фойдаланган, бу декабрь ойидагидан икки баробар кўпдир.
«Интернет маконида 20 йил ичида бундай истеъмолчи интернет иловасининг тез ўсишини эслай олмаймиз», — дейди UBS таҳлилчилари.
Sensor Tower маълумотларига кўра, TikTok ишга туширилгандан сўнг 100 миллион фойдаланувчини қамраб олиши учун тахминан тўққиз ой керак бўлди, Instagram’га эса — 2,5 йил.
OpenAI 2 февраль куни АҚШ фойдаланувчилари учун ойига 20 долларлик обунани ишга туширганини эълон қилди. Компания пуллик обуналардан тушган даромад сарфланган харажатларни қоплашга ёрдам беради, деб ҳисоблайди.
Таҳлилчиларнинг фикрича, ChatGPT’нинг вирусли ишга туширилиши OpenAI’га бошқа AI компаниялардан устунлик беради. Фойдаланувчилар сонининг ўсиб бориши OpenAI учун катта ҳисоблаш харажатларини талаб қилиш билан бирга, чат-бот жавобларини ўргатишда ёрдам бериш учун керакли фикр-мулоҳазаларни тақдим этди. Компаниянинг таъкидлашича, обуна даромади ҳисоблаш харажатларини қоплашга ёрдам беради.
Янги нейрон тармоқ жамоатчиликда турли таассуротларни уйғотди. Масалан, ChatGPT’га қарши бўлганлар чат-бот муаллифлик ҳуқуқининг бузилиши бўйича кўплаб қонуний прецедентларни ўрнатишига ишонади.
Улардан фарқли ўлароқ, сунъий интеллект тарафдорлари ChatGPT кўплаб жараёнларни тубдан ўзгартиришига ишонади. Мисол учун, бу ўрганишга ёндашувга таъсир қилиши мумкин, чунки таълим муассасалари анъанавий иншоларни қандай алмаштиришни аниқлашга туртки беради. Уларнинг фикрича, ChatGPT’нинг чиқарилиши биринчи марта AI’ни оммага очиқ қилади.