BMW автомобиль ишлаб чиқарувчисининг соф фойдаси учинчи чоракда 2020 йилнинг шу даврига нисбатан 42,4 фоизга ошиб, 2,6 миллиард еврони ташкил қилди. Бу ҳақда компания веб-сайтида хабар берилди.

BMW 3 ноябрь куни учинчи чорак молиявий ҳисоботларини эълон қилди. Ушбу даврда унинг даромади 4,5 фоизга ошиб, 27,5 миллиард еврони ташкил қилди.

BMW’нинг бу натижаси глобал чип танқислиги сабабли кўпчилик бошқа автомобиль ишлаб чиқарувчиларнинг чораклик натижалари ёмонлашганидан фарқ қилади. Аввалроқ кўплаб йирик автомобиль ишлаб чиқарувчилари, жумладан General Motors, Ford ва Volkswagen ҳам даромадлари камайгани ҳақида хабар берганди.

Глобал чип тақчиллиги BMW’га ҳам таъсир кўрсатди — компания автомобилларини етказиб бериш чоракда 12,2 фоизга камайиб, 593,2 минг донани ташкил қилди. Бироқ компания автомобиллари нархининг ошиши ва электромобиллар сотувининг кўпайиши BMW ўсишни сақлаб қолишига ёрдам берди. Нархлар чоракда 43,1 фоизга кўтарилиб, электромобиль сотуви 78,3 мингтага етди.

BMW мисоли шуни кўрсатадики, ҳашаматли автомобиль ишлаб чиқарувчилари кўпроқ бджет автомобиль ишлаб чиқарувчилардан фарқли ўлароқ, чиплар етишмаслигига қарамасдан ўсишни сақлаб қолишга қодир.

Яна бир немис ҳашаматли автомобиль ишлаб чиқарувчиси Daimler ўтган ҳафтада унинг чоракдаги операцион фойдаси 18 фоизга ошиб, 3 миллиард долларга етганини маълум қилди. Хабарга кўра, бунинг асосий сабаби автомобиль нархларининг ошиши ва арзонлигидир.

Аввалроқ Ford компанияси Ranger пикапининг янги авлоди қандай кўринишда бўлишини маълум қилганди.