Бирлашган Араб Амирликлари (БАА) президенти Муҳаммад бин Зоид Ол Наҳаён ва унинг оиласи дунёдаги энг бойлар деб тан олинди. Бу ҳақда The Times хабар берди.

Маълум қилинишича, бу оиланинг бойлиги қарийб 300 миллиард долларга баҳоланмоқда.Бойликнинг асоси энергия савдосидан тушадиган даромад, шунингдек, малакали инвестиция сиёсати, жумладан, турли компанияларга пул инвестиция қилиш ва кўчмас мулк бозорлари ҳисобланади.

Уолтонлар оиласи рейтингнинг иккинчи энг бадавлат оиласига айланди. Гап дунёдаги энг йирик улгуржи ва чакана савдо тармоғи Walmart эгалари ҳақида бормоқда. Уларнинг бойлиги 224,5 миллиард долларга баҳоланган.

Топ-5 рўйхатда шу номдаги қандолатчилик компаниясини асос солган Марс оиласи (160 миллиард доллар), Коch Industries саноат конгломератини бошқарувчи Коч оиласи (128,8 миллиард доллар) ҳам бор

Шунингдек, рўйхатдан Саудия Арабистони қироллик оиласи (105 миллиард доллар) ҳам ўрин олди.