Ўзбекистондаги майнерлар ҳар ой 3 млн сўм, крипто-биржалар эса 120 млн сўмдан йиғим тўлайди
Крипто-активлар айланмаси соҳасида йиғим миқдори белгиланди. Унга кўра, майнинг ва крипто-активлар айланмаси соҳасида фаолият юритувчи шахслардан йиғимлар ундирилиши белгилаб қўйилди
Таъкидланишича, крипто-активлар айланмаси соҳасидаги фаолиятни амалга ошириш учун йиғимлар миқдорини белгилаш, уларни тўлаш ва тақсимлаш тартиби тўғрисидаги низом Адлия вазирлигида давлат рўйхатидан ўтказилган. Бу ҳақда Telegram’даги «Huquqiy axborot» канали хабар берди.
Унга кўра, Ўзбекистонда майнинг ва крипто-активлар айланмаси соҳасидаги хизматлар провайдерлари фаолиятини амалга оширувчи юридик шахслар (майнерлар ва хизматлар провайдерлари) томонидан ушбу фаолиятни амалга ошириш учун йиғимлар тўланади.
Шунга кўра, йиғимлар БҲМга нисбатан қуйидаги миқдорларда белгиланади:
• майнинг фаолияти учун – БҲМнинг 10 баравари (3 млн сўм).
Шуниндек, хизматлар провайдерлари бўйича:
• рипто-биржа фаолияти учун – БҲМнинг 400 баравари (120 млн сўм);
• майнинг-пул фаолияти учун – БҲМнинг 100 баравари (30 млн сўм);
• крипто-депозитарий фаолияти учун – БҲМнинг 5 баравари (1,5 млн сўм);
• крипто-дўкон фаолияти учун – БҲМнинг 20 баравари (6 млн сўм).
Йиғимлар майнерлар ва хизматлар провайдерлари томонидан лицензия ёки рухсат этиш хусусиятига эга ҳужжатни олган пайтдан эътиборан ҳар ойда тўлаб борилади.
