Европа Иттифоқи газ нархини чеклашдан қанча пул йўқотиши маълум бўлди
Европа Иттифоқи газ нархини чеклашдан 33 млрд доллар йўқотади. Энергия ишлаб чиқарувчилар томонидан қўлланиладиган суғурталар 2022 йилда икки баравар қимматлаган. Бу компанияларнинг кредит линияларини жалб қилишларига сабаб бўлмоқда
Агар Европа Иттифоқида газ нархи чекланса, энергия савдогарлари қўшимча 33 миллиард доллар тўлашлари керак бўлади. Бу ҳақда Financial Times хабар берди.
Кутилаётган йўқотишлар ҳақида биржа оператори Intercontinental Exchange (ICE) Европа Комиссиясини огоҳлантирган. ТТФ фьючерс бозорига таянадиган трейдерлар савдо суғуртаси тўловларининг 80 фоизга ошишига дуч келишлари мумкин.
Энергия ишлаб чиқарувчилар томонидан қўлланиладиган суғурталар 2022 йилда икки баравар қимматлаган. Бу эса кўплаб компанияларни кредит линияларини жалб қилишга ва кўпроқ биржадан ташқари операцияларни амалга оширишга мажбур бўлмоқда.
22 ноябрь куни Еврокомиссия энергия инқирозига қарши курашнинг яна бир чораси сифатида Европа Иттифоқида газ бозорини мослаштиришнинг вақтинчалик механизмини яратишни таклиф қилди.
ЕК ушбу механизм газ бозоридаги беқарорликни камайтиришга ва Европа Иттифоқи аҳолиси ҳамда корхоналарини газ нархининг кескин ошишидан ҳимоя қилишга ёрдам беради, деб умид қилмоқда.
