Facebook ва Instagram’да машҳур брендлар остидаги сохта буюмлар савдоси кескин ошди. Бу ҳақда Ghost Data тадқиқотига таяниб Reuters хабар берди.

Маълум қилинишича, Meta ўз бозорида сохта ҳашаматли брендларни, жумладан Gucci, Louis Vuitton ва Chanel’ни тарғиб қилувчи фирибгарларни тўхтатишга фаол ҳаракат қилмоқда. Биргина Facebook’нинг ўзида сохта маълумотларни сотувчи 26 мингдан ортиқ фаол аккаунтлари мавжуд.

Агентликка интервью берган экспертлар брендларнинг Facebook, Instagram и в WhatsApp’даги сохта маҳсулотларга қарши курашини «кўрсичқонни уриш» ўйини сифатида таърифлаган.

«Facebook ва Instagram қалбаки маҳсулотлар учун асосий бозор ҳисобланади. Ўн йил олдин бу eBay ва беш йил олдин Amazon эди», — деган Бенедикт Ҳамилтон, сохталаштириш ва контрабандадан зарар кўрган брендлар томонидан ёлланган Kroll хусусий детектив компаниясининг бошқарувчи директори.

Ghost Data тадқиқотчилари 2021 йилнинг октябридан ноябрига қадар Facebook’да 26 мингдан ортиқ, Instagram’да эса 20 мингдан ортиқ сохта аккаунтларни аниқлаган. Бу 2021 йилгидан кўп, бироқ 2019 йилнинг энг юқори чўққисидан паст.

Ўшанда 56 мингга яқин аккаунт аниқланган. 2021 йилда аниқланган фирибгарлик аккаунтларининг қарийб 65 фоизи Хитойда, кейин Россияда (14 фоиз) ва Туркияда (7,5 фоиз) яратилган.

«Сохта товарлар савдоси ва фирибгарлик ҳар доим янги технологиялар пайдо бўлиши билан боғлиқ бўлган муаммодир. Компания бундай савдоларнинг олдини олишга ҳаракат қилмоқда», — деган Meta матбуот котиби.

Қайд этилишича, маҳсулотларни намойиш қилиш учун сохта сотувчилар шифрланмаган ва бизнес профили орқали кириш мумкин бўлган WhatsApp маҳсулот каталоглари каби хусусиятлардан фойдаланади. Киберхавфсизлик бўйича эксперт Андреа Стоппнинг сўзларига кўра, харидлар кўпинча ташқи сайтларга ҳаволалар орқали эмас, балки Meta платформаларида амалга оширилади.

Аввалроқ Meta Европада Facebook ва Instagram’ни ёпиш билан таҳдид қилгани ҳақида хабар берилганди. Шунингдек, Snap ва Meta раҳбарлари келажак ижтимоий тармоқлари TikTok каби бўлишини айтгани хабар қилинди.