Google Gmail фойдаланувчилари учун овозли ва видеоқўнғироқлар функциясини ишга туширганини маълум қилди. Компания ушбу функция устида сентябрь ойидан бери ош олиб бормоқда.

Илгари компаниянинг видеоқўнғироқлар функцияси фақат Google Meet орқали ишлаган — фақат тегишли учрашувни олдиндан режалаштириш орқали амалга ошириш мумкин эди.

Электрон почта фойдаланувчилари энди ҳар бир суҳбатнинг юқори ўнг бурчагида телефон ва видео пиктограммаларига эга бўлади.

Google хабарида айтилишича, энди барча қўнғироқлар, шу жумладан Google Chat иловаси орқали қилинган қўнғироқлар Gmail’га йўналтирилади. Янги функция Google’нинг Gmail’ни ўзининг супер иловасига айлантириш мақсадини илгари суради.

Сентябрь ойидан бошлаб Google Android смартфонларининг эски версиялари фойдаланувчиларига YouTube, Gmail ва компаниянинг бошқа хизматларидан фойдаланиш учун Google аккаунтига киришни ўчириб қўйишни бошлади. Айни пайтда эскирган смартфонлар улуши 0,2–0,3 фоизни ташкил қилмоқда. Дунёда 3 миллиарддан ортиқ фаол Android қурилмалари мавжудлиги ҳисобга олинса, 6 миллиондан 9 миллионгача смартфон Google хизматларидан фойдаланиш имкониятини йўқотган.

Аввалроқ Google «ақлли» соатлар ишлаб чиқаришни бошлаши хабар қилинганди.