Hyundai компанияси Ioniq 6 электроседанини тақдим этди
Янги электромобилнинг техник хусусиятлари кейинроқ, моделнинг тўлиқ тақдимоти вақтида маълум бўлади.
Hyundai компанияси 2022 йилда бозорга чиқадиган Ioniq 6 электроседанини тақдим этди. Бу ҳақда «Коммерсантъ» хабар бермоқда.
Модель дизайни 2020 йилда тақдим этилган Hyundai Prophecy концепт-кари услубида ишлаб чиқилган. Яхши ривожланган аэродинамика ва характерли ташқи элементлар — қия дераза токчаси ва том чизиғи, спойлер ва «пиксел» оптикаси билан ажралиб туради.
Салонда лаконик дизайн мавжуд бўлиб, унда босиладиган тугмалар деярли йўқ. Рақамли асбоблар панели ва мультимедиа тизими учун иккита 12 дюймли дисплей мавжуд бўлиб, улар иккиламчи функцияларни бошқариш билан боғланган.
Ioniq 6’нинг ички қисми қайта ишланган материаллардан тайёрланган. Безатиш учун қайта ишланган автомобиль шиналари, пластик бутилкалар ва океанда тутилган балиқ овлаш тўрларининг қолдиқлари ишлатилади.
Янги электромобилнинг техник хусусиятлари кейинроқ, моделнинг тўлиқ тақдимоти вақтида маълум бўлади.
Аввалроқ Hyundai автомобиль ишлаб чиқарувчиси АҚШнинг Жоржия штатида электромобиль ишлаб чиқарувчи завод очишни режалаштираётганини маълум қилганди.
Hyundai янги заводда 8,1 минг иш ўрни яратишни режалаштирмоқа. Ҳали қурилмаган объектда ишлаб чиқариш 2025 йилда бошланади, завод йилига 300 минг дона автомобиль ишлаб чиқариш имкониятига эга бўлади.