Илон Маскнинг SpaceX космик компанияси Starship ракетаси учун Raptor двигателини ишлаб чиқиш билан боғлиқ муаммолар туфайли банкротликка дуч келмоқда. Бу ҳақда миллиардернинг ўзи CNBC, Space Explored и The Verge ходимларига йўллаган мактубида айтиб ўтган.

«Raptor ишлаб чиқариш инқирози бир неча ҳафта олдин кўринадиганидан анча ёмонроқ. Келгуси йилда камида икки ҳафтада бир марта Starship парвоз частотасига эриша олмасак, биз банкротлик хавфига дуч келамиз», — дея огоҳлантирган тадбиркор.

Маск Америка Шукрона кунининг эртасига мактуб йўллаб, у дастлаб таътил пайтида танаффус қилишни режалаштирганини, лекин бунинг ўрнига шахсан жума оқшомига қадар ва дам олиш кунлари двигатель ишлаб чиқариш линиясида ишлашини таъкидлаган.

«Очиғини айтганда, фалокатдан қутулиш учун бизга керак бўлган барча куч зарур», — деди у.

Аввалроқ SpaceX NASA’нинг 4 нафар астронавтини Халқаро космик станцияга юборгани ҳақида хабар берилганди.