Илон Маск Украинадан кейин Тайван атрофидаги можарога ҳам ўз ечимини таклиф қилди
Америкалик миллиардер Тайван атрофидаги вазият тинч йўл билан ҳал қилинмаса, жаҳон иқтисодиёти катта миқдорда зарар кўришини билдирди
Америкалик тадбиркор SpaceX ва Tesla компаниялари асосчиси Илон Маск Украина бўйича шов-шувли таклифидан кейин Тайван атрофидаги можароли вазиятни ҳал қилиш бўйича ўз вариантини билдирди.
«Тайванни Хитойнинг махсус маъмурий ҳудуди сифатида белгилашни тавсия қилган бўлардим. Бироқ бу ҳаммага ҳам маъқул келмаслиги мумкин. Эҳтимол тайванликлар Гонконгга қараганда яхшироқ шартлар эвазига келишиб олишлари мумкин», – дея айтиб ўтган Илон Маск Financial Times газетасига берган интервьюсида.
Унинг сўзларига кўра, Тайван можароси жаҳон иқтисодиётига ялпи ички маҳсулотнинг тахминан 30 фоизи миқдорида зарар этказиши мумкин.
Аввалроқ Илон Маск Россия ва Украина ўртасидаги можарони тўхтатиш учун ўз таклифини билдиргани сабабли Tesla акциялари кескин тушиб кетгани ҳақида хабар қилинганди.