IT Park резидентлари экспорти ҳажми 100 млн долларга етиши кутилмоқда
IT Park резидентлари экспорти ҳажми 2021 йилга нисбатан 3,5 бараварга ошиб, 17,3 миллион долларни ташкил этди.
IT Park резидентлари экспорти ҳажми 2022 йил охирига келиб 100 миллион долларга етиши кутилмоқда. Бу ҳақда IT Park матбуот хизмати Kommers.uz’га хабар берди.
IT Park резидентлари экспорти ҳажми барқарор ўсишда давом этмоқда
2022 йил 1-чорак якунлари бўйича резидентлар томонидан кўрсатилган хизматларнинг умумий ҳажми 814 миллиард сўмни ташкил этди (таққослаш учун: шу даврга нисбатан ўсиш 186 фоизни ташкил қилар эди).
IT Park резидентлари экспорти ҳажми 2021 йилга нисбатан 3,5 бараварга ошиб, 17,3 миллион долларни ташкил этди. Шу билан бирга резидентлар экспортининг 85,2 фоизи АҚШга, қолгани Буюк Британия, Корея, МДҲ мамлакатлари ва БААга тўғри келади. 2022 йил охирига келиб экспорт ҳажми 100 миллион долларга етиши кутилмоқда.
Қайд этилишича, 2022 йилнинг биринчи чорагида IT Park резидентлари сони 588 та компанияни ташкил этган, бу ўтган чоракка нисбатан 130 фоизга кўп. Резидентлар асосан қуйидаги соҳаларда фаолият юритади:
- дастурий таъминот;
- маълумотларни қайта ишлаш;
- бизнес жараёнларини автоматлаштириш;
- IT соҳаси ва IT экспортини ўргатиш.
Таъкидланишича, 588 та компаниядан:
- 479 таси Тошкент шаҳрида, қолган 109 таси вилоятларда рўйхатга олинган;
- жорий йилнинг 1-чорагида 23 та компания ташкил этилди;
- IT соҳасида 73 та компания таълим хизматларини кўрсатади;
- хорижий капITал иштирокида 19 та корхона ташкил этилди;
- экспортга йўналган 121 та компаниядан 53 таси ишланмалар йўналишида фаолият юритади.
Биринчи чоракда 80 та компания IT Park резиденти мақомини олди, шу тариқа, тегишли даврга нисбатан ўсиш суръати 200 фоизни ташкил этди. Шу билан бирга, 14 та компания резидент мақомидан маҳрум қилиниб, 43 тасига резидент мақомини олишда рад этилди.
Маълумот учун, IT-компаниялар ва IT ўқув марказлари IT Park резидентлари сифатида бир қатор имтиёзларга эга бўлиши мумкин:
- даромад солиғи — 7,5 фоиз;
- корпоратив солиқ (юридик шахслар учун солиқ) — 0 фоиз;
- ягона ижтимоий тўловлар — 0 фоиз;
- ўз эҳтиёжлари учун товарларни олиб киришда божхона тўловлари йўқ.
Маълум қилинишича, йилнинг 1-чораги якуни бўйича резидент корхоналарда 11,8 минг киши иш билан таъминланган ва бу 2021 йилнинг шу даврига нисбатан қўшимча иш ўринлари сонининг 184 фоизга ошишига олиб келган.