Jeep Wrangler йўлтанламасининг янги версияси тақдим этилди (фото)
Wrangler High Tide’нинг дастлабки 500 та нусхаси Jeep Beach номи остида бозорга чиқади.
Jeep компанияси Wrangler йўлтанламасининг иккита янги версияси — High Tide ва Jeep Beach’ни тақдим этди. Бу ҳақда «Коммерсантъ» хабар берди.
Маълум қилинишича, High Tide варианти 289 от кучига эга 3,6 литрли Pentastar V6 бензинли ва Xtreme Recon тўплами билан тўлдириладиган 8 поғонали автомат узатмалар қутисига эга Sport S модификациясига асосланган.
Қайд этилишича, ускуналар тўпламига BF Goodrich йўлтанламас шиналари ўрнатилган 17 дюймли ғилдираклар, оригинал 38 миллиметрли осма лифти, қайта созланган амортизаторлар ва Mopar аксессуарлар тўплами киради. Wrangler High Tide’нинг дастлабки 500 та экземпляри Дайтона-Бичдаги Jeep Beach тадбирини нишонлаш учун Jeep Beach номи остида бозорга чиқади.
Машиналар аллақачон АҚШда буюртма бериш учун мавжуд.
Аввалроқ Jeep гибрид кроссоверларни тақдим этгани хабар қилинганди. Шунингдек, Ford Bronco йўлтанламасининг янги версиясини нимойиш қилгани ҳақида хабар берилди.
