Криптовалюта бизнесидаги энг бой одам аниқланди
Чанпэн Чжао 96 миллиард доллар бойлик билан
Binance крипто биржаси эгаси Чанпэн Чжаонинг бойлиги 96 миллиард долларга баҳоланмоқда. Bloomberg уни криптовалюталар оламидаги энг бой одам деб атади.
Рейтингга Чжаодан ташқари ҳиндистонлик бизнес-магнат Мукеш Амбани ҳам 92,9 миллиард доллар бойлик билан киритилган.
«Чжаонинг бойлиги технология бозорининг Марк Цукерберг, Ларри Пейж ва Сергей Брин каби титанлари билан тенглаша олади», деб ёзади нашр.
Bloomberg’нинг тан олишича, Чжаонинг бойлиги бундан ҳам каттароқ бўлиши мумкин.Чунки у биткоин ва фирмасининг токенини ўз ичига олган крипто-активларга эга. Binance Coin 2021 йили тахминан 1300 фоизга ошди.
Чжао 2020 йил ноябрь ойида 2014 йил биткоинлар сотиб олгани ва уларни ушлаб туришда давом этаётганини маълум қилганди. Шу билан бирга, у бойлигининг 99 фоизини хайрия қилишга тайёрлигини айтди, чунки у ўзини молиявий мустақил шахс деб билади.
Маълумот учун, 2021 йил июль ойида Binance криптовалюта биржаси раҳбари ўз компанияси «тўлиқ тартибга солинадиган молиявий институт» бўлишни мақсад қилгани ва агар керак бўлса, компаниянинг бош директори лавозимини тарк этишга тайёрлигини эълон қилганди.