Lexus янги электр кроссоверининг тизерини намойиш қилди
Янги модель япон брендининг замонавий моделлари услубидаги кузов дизайнини олади.
Lexus компанияси 2022 йилда чиқариладиган янги электр кроссоверининг тизерини эълон қилди. Бу ҳақда «Коммерсантъ» хабар берди.
Маълум қилинишича, RZ 450e номини олган янги модель япон брендининг замонавий моделлари услубидаги кузов дизайнини олади. Янги электрокарнинг ички қисми ва техник хусусиятлари ҳақида ҳозирча расмий маълумот йўқ.
Маълумот ўрнида, аввалроқ Toyota 15 та янги электромобилни, жумладан Lexus бренди остидаги моделларни эълон қилгани маълум бўлганди, улар яқин йилларда серияли ишлаб чиқарилади.
Аввалроқ Lexus компанияси ROV автомобилини намойиш қилгани ҳақида хабар берилганди.
Қайд этилишича, Lexus ROV двигатель мойининг озгина ёнишини ҳисобга олмаганда, деярли ҳеч қандай зарарли чиқиндиларни чиқармайди.
Шунингдек, энг ишончли ва ишончсиз автомобиллар рейтинги хабар қилинганди. Рейтингнинг энг юқори поғонасини Lexus GX йўлтанламаси эгаллагани айтилган.