Microsoft компаниясининг таълим технологиялари бўлими 9 ноябрь куни Reimagine тақдимоти бўлиб ўтишини эълон қилди. Бу ҳақда компания веб-сайтида хабар берилди.

Маълум қилинишича, тадбирда пандемия туфайли бўшаб қолган таълим соҳаси бўшлиғидаги энг сўнгги технологик ечимлар тақдим этилади. Pocket-Lint маълумотларига кўра, тадбирда яқинда тақдим этилган Surface Laptop SE ва Windows 11’нинг махсус версияси намойиш этилиши мумкин.

Октябрь ойи охирида Windows Central Microsoft компанияси Chromebook’га рақобатчи сифатида мактабларга мўлжалланган бюджет ноутбуки устида ишлаётгани ҳақида хабар берди. Ноутбук 1366х768 ўлчамдаги 11,6 дюймли экран ва Intel Celeron N4120 процессори билан жиҳозланади.

Аввалроқ Microsoft дунёдаги энг қиммат компанияга айлангани ҳақида хабар берилганди.