Наманган халқаро аэропортидаги қатновлар Фарғонага кўчирилди
Йўловчиларга қулайлик яратиш мақсадида Наманган ва Фарғона аэропортлари ўртасида трансфер ҳаракат ташкил этилади.
Қуюқ туман сабаб Uzbekistan Airways Наманган халқаро аэропортидаги қатновларни Фарғонага кўчирди. Бу ҳақда компания матбуот хизмати хабар берди.
Uzbekistan Airways метеорологик шароит тобора ёмонлашиб бораётгани (туман, кўришнинг етарли даражада эмаслиги) муносабати билан фақатгина 2021 йилнинг 30 декабрь куни HY9620/Домодедово—Наманган авиақатнови Домодедово—Фарғона муқобил йўналиши бўйича амалга оширилишини, HY9619/Наманган—Домодедово қатнови эса Фарғона шаҳридан амалга оширилишини маълум қилган.
Авиақатновнинг ҳаракат вақти кичик ўзгаришлар қуйида келтирилган:
- HY-9620 қатновининг жўнаб кетиш вақти соат 12:26 га;
- HY-9619 қатновининг жўнаб кетиш вақти эса соат 14:00 га ўзгартирилди.
Йўловчиларга қулайлик яратиш мақсадида Наманган ва Фарғона аэропортлари ўртасида трансфер ҳаракат ташкил этилади.
