Навоий кон-металлургия комбинати 3 та корхонага бўлинди
Сўнгги уч йилда Навоий кон-металлургия комбинатини трансформация қилиш бўйича ишлар олиб борилган.
Навоий кон-металлургия комбинати 2 та давлат корхонаси ва акциядорлик жамиятига бўлинди. Бу ҳақда жамият матбуот хизмати хабар берди.
Қайд этилишича, 2022 йилнинг 1 январь кунидан бошлаб «Навоий кон-металлургия комбинати» давлат корхонаси негизида 3 та мустақил корхона — «Навоий кон-металлургия комбинати» акциядорлик жамияти, «Навоийуран» давлат корхонаси, «Навоий кон-металлургия комбинати жамғармаси» давлат муассасаси ташкил қилинди.
Маълум қилинишича, сўнгги уч йилда Навоий кон-металлургия комбинатини трансформация қилиш бўйича ишлар олиб борилган.
Бунда Президентининг 2020 йил 6 мартдаги «Навоий кон-металлургия комбинати» давлат корхонасини ислоҳ қилиш чора-тадбирлари тўғрисидаги қарори, Вазирлар Маҳкамасининг 2021 йил 30 мартдаги «Навоийуран» давлат корхонаси, «Навоий кон-металлургия комбинати» акциядорлик жамияти ва «Навоий кон-металлургия комбинати жамғармаси» давлат муассасаси фаолиятини ташкил этиш тўғрисидаги қарори дастуриламал бўлган.
Маълумот учун, Навоий кон-металлургия комбинати ва Олмалиқ кон-металлургия комбинати Ўзбекистонда асосий солиқ тўловчилар ҳисобланади.