Навоийда 20 та туризм маҳалласини инфратузилмани яхшилашга 50 млрд сўм ажратилади
Президент мутасаддиларга тадбиркорликни ривожлантириш бўйича бир қатор топшириқлар берди. Жумладан, 20 та туризм маҳалласи инфратузилмани яхшилаш бўйича 50 млрд сўмлик лойиҳани 2023 йил давлат дастурига киритилади
Шавкат Мирзиёев Навоий шаҳрида Халқ депутатлари вилоят кенгаши сессиясида иштирок этаётгани тўғрисида хабар берилганди. Президент матбуот котибининг маълум қилишича, сессияда давлат раҳбари вилоятда тадбиркорликни ривожлантириш бўйича мутасаддиларга топшириқлар берган.
Номзод вилоятда тадбиркорлик ва хизматлар соҳасини ривожлантириш бўйича режаларини айтди.
Тадбиркорликни ривожлантириш орқали келгуси йилда 122 мингта иш ўрни яратиш имкони бор.
Шулардан келиб чиқиб, Президент мутасаддиларга:
— келгуси йилда 26 та маҳаллий саноат маркази ва кичик саноат зоналарини ташкил этиш;
– оилавий тадбиркорлик дастурлари учун қўшимча 100 миллиард сўм, келгуси йилда 600 миллиард сўм йўналтириш;
– Нурота, Хатирчи ва Навбаҳордаги бўш биноларда моно-марказ ташкил этиб, камида 5 минг ёшларни замонавий касбларга ўқитиш;
– М-37 магистрал йўлида 3,5 мингта сервис объектларини ишга тушириш;
– Карманадаги Мавлоно Ориф Дег-Гароний мажмуасини таъмирлашга 15 миллиард сўм ажратиш;
– 20 та туризм маҳалласида инфратузилмани яхшилаш бўйича 50 миллиард сўмлик лойиҳани 2023 йил давлат дастурига киритишга топшириқ берди.
