Нуфузли меҳмонхона брендларидан фойдаланиш учун франчайзинг шартномасини тузиш ва субсидия олиш тартиби қандай?
Туризм ва маданий мерос вазирлиги нуфузли меҳмонхона брендларидан фойдаланиш учун франчайзинг шартномасини тузиш ва субсидия олиш тартиби ҳақида маълумот берди.
Нуфузли меҳмонхона брендларидан фойдаланиш учун франчайзинг шартномасини тузиш ва субсидия олиш тартиби қандай? Ўзбекистон Туризм ва маданий мерос вазирлиги жойлаштириш воситалари эгалари учун муҳим янгиликни эълон қилди.
Франчайзинг
Вазирлар Маҳкамасининг 2019 йил 27 майдаги 433-сон қарори билан тасдиқланган «Инвесторларга янги меҳмонхона қуриш ва уни жиҳозлаш учун субсидия ажратиш ҳамда ташкилотларни франчайзинг тўғрисидаги шартнома асосида қисман молиялаштириш учун давлат бюджетидан маблағ ажратиш тартиби ҳақидаги Низом»га мувофиқ таниқли ва нуфузли меҳмонхона брендларидан фойдаланиш ва мазкур брендлар томонидан меҳмонхоналарни бошқариш бўйича франчайзинг тўғрисида шартнома тузилган тақдирда, мазкур харажатлар давлат томонидан қисман молиялаштирилади.
Ташкилотларни қисман молиялаштириш мамлакатимиздаги жойлаштириш воситалари франчайзинг тўғрисидаги шартномани Brand Finance компаниясининг топ-50 рейтингига ёки топ-5 меҳмонхона тармоқларига кирувчи меҳмонхоналар билан тузганида амалга оширилади.
Ташкилотларни қисман молиялаштириш қуйидаги ҳажмда амалга оширилади:
3 юлдузли тоифага эга бўлган дастлабки 50 та меҳмонхона — ҳар бир меҳмонхонанинг битта хонаси учун йиллик 200 АҚШ доллари эквивалентида;
4 юлдузли тоифага эга бўлган дастлабки 30 та меҳмонхона — ҳар бир меҳмонхонанинг битта хонаси учун йиллик 400 АҚШ доллари эквивалентида.
2021 йилда Brand Finance компаниясининг топ-50 рейтингига кирувчи меҳмонхона брендлари
2021 йилда Brand Finance компаниясининг топ-5 меҳмонхона тармоқлари
Hilton тармоғига кирувчи меҳмонхоналар:
– Hilton worldwide;
– Waldorf Astoria;
– Conrad Hotels & Resorts, Canopy;
– Curio;
– DoubleTree;
– Embassy Suites;
– Garden Inn;
– Hampton;
– Homewood Suites;
– Home2 Suites.
Marriott International тармоғига кирувчи меҳмонхоналар:
– Marriott Hotels;
– The Ritz-Carlton;
– Aloft, Bulgari;
– JW Marriott;
– Le Meridien;
– Edition;
– Autograph Collection Hotels;
– Renaissance Hotels;
– AC Hotels by Marriott,
– Moxy Hotels;
– Courtyard;
– Springhill Suites;
– Fairfield Inn and Suites;
– Residence Inn;
– Towneplace Suites;
– Marriott Executive Apartments;
– Gaylord Hotels;
– Delta Hotels;
– Four Points by Sheraton,
– Westin;
– The Luxury Collection;
– W Hotels;
– Sheraton Hotels & Resorts, St. Regis;
– Element.
InterContinental Hotels & Resorts тармоғига кирувчи меҳмонхоналар:
– InterContinental Hotels & Resorts;
– Crowne Plaza Hotels & Resorts;
– Hotel Indigo;
– Holiday Inn Hotels & Resorts;
– Holiday Inn Express;
– Staybridge Suites Hotels;
– Candlewood Suites Hotels;
– EVEN Hotels;
– HUALUXE Hotels and Resorts.
Hyatt тармоғига кирувчи меҳмонхоналар:
– Park Hyatt;
– Andaz;
– Grand Hyatt;
– Hyatt Hotels;
– Hyatt Regency;
– Hyatt Place;
– Hyatt House;
– Hyatt Zilara & Ziva;
– Hyatt Residence Club.
Wyndham тармоғига кирувчи меҳмонхоналар:
– Wyndham Grand Hotels and Resorts;
– Wyndham Hotels and Resorts;
– Wyndham Garden Hotels;
– TRYP;
– Wingate by Wyndham;
– Hawthorn Suites;
– Microtel Inn and Suites;
– Ramada;
– Baymont Inn & Suites;
– Days Inn;
– Super 8;
– Howard Johnson;
– Travelodge;
– Dolce Hotel & Resorts.
Франчайзинг бўйича аризага қуйидагилар илова қилинади:
1. Ариза берувчининг — юридик шахс бўлган Ўзбекистон резидентининг номи, жойлашган жойи (почта манзили) ва СТИР рақами ҳамда тижорат банкидаги ҳисобрақами реквизитлари;
2. Франчайзинг тўғрисида тузилган шартнома нусхаси;
3. Вазирлик ҳузуридаги «Туризм хизматларини сертификатлаш маркази» ДУК томонидан тақдим этилган 3 ёки 4 юлдузли меҳмонхона тоифаси кўрсатилган мувофиқлик сертификатининг нусхаси.
Вазирлик франчайзинг бўйича ариза келиб тушган кундан бошлаб, ўн иш куни ичида унинг мазкур низомда белгиланган талабларга мослигини ўрганиб чиқади.
Вазирлик томонидан мавжуд ҳужжат тўлиқ тақдим этилганлиги, брендларнинг рейтингга кирганлиги каби талаблар ўрганиб чиқилиб, қисман молиялаштириш тўғрисида қарор қабул қилади ва нусхасини франчайзинг бўйича ариза берувчига юборади.