Коронавируснинг «омикрон» варианти тарқалиши январь ва февраль ойларида Буюк Британия иқтисодиётига 35 миллиард фунт стерлинг (тахминан 48 миллиард доллар) зарар етказиши мумкин. Бу ҳақда The Sunday Times Иқтисодий ва бизнес тадқиқотлари маркази (CEBR) таҳлилига таяниб ёзмоқда.

Иқтисодиётдаги йўқотишлар, биринчи навбатда, одамларнинг изоляцияси билан изоҳланади. Бу эса ходимларнинг етишмаслигига олиб келиши мумкин. Нашр хабарига кўра, эълон қилинган миқдор йилнинг биринчи икки ойида Буюк Британия ялпи ички маҳсулотининг тахминан 8,8 фоизига тўғри келади.

Зарар ҳукуматнинг баҳолаши асосида ҳисоблаб чиқилган, унга кўра, мамлакатда «омикрон» туфайли одамларни «ишдан олиш» кўрсаткичи 25 фоизни ташкил қилади. Бундан ҳам консерватив ҳисоб-китобларга кўра, касал ва изоляция қилинган одамларнинг 8 фоизи мавсумдаги ўртача кўрсаткичдан уч баравар кўп бўлади ва 10,2 миллиард фунт стерлинг (13,9 миллиард доллар) йўқотилишига олиб келади. Бу мамлакат ялпи ички маҳсулотининг 2,6 фоизига тенг.

«Ҳатто энг юқори чўққида [одамлар этишмаслиги] фақат 8 фоиз иқтисодий оқибатларга олиб келади. Бироқ, биз ишонамизки, йўқотишларнинг аксарияти йилнинг қолган қисмида қопланади», — дейди CEBR иқтисодчиси Пушпин Сингх.

Буюк Британия ҳам дунёнинг бошқа мамлакатлари каби, «омикрон» тарқалиши туфайли COVID-19 билан касалланишнинг кескин ўсишига дуч келмоқда. 8 январь ҳолатига кўра, мамлакатда кунига 146 390 киши коронавирус билан касалланяпти.