Давлат статистика қўмитаси 9 ноябрь ҳолатига кўра ҳудудий марказий деҳқон бозорларида ўтказилган кузатув натижалари бўйича алоҳида турдаги озиқ-овқат маҳсулотларининг минимал-максимал нархларини маълум қилди.

Маълум бўлишича, бозорларда суякли мол гўштининг бир килограми 49 минг 500 сўмдан 78 минг сўмгача сотиляпти. Қўй гўштининг 1 килограми 58 мингдан 91 минг сўмгача, картошка (1 кг) 2 минг 800 сўмдан 6 минг сўмгача, пиёз (1 кг) 2 мингдан 5 минг сўмгача баҳоланган.

Бошқа маҳсулотларнинг нархи қуйидагича:

• Сабзи (1 кг) 1,5–5,5 минг сўм;
• Тухум (10 дона) 9–16 минг сўм;
• Гуруч (1 кг) 5–26 минг сўм;
• Ўсимлик ёғи (1 л) 16,5–30 минг сўм;
• Шакар (1 кг) 12–17 минг сўм.