Ўзбекистон энг кўп қайси давлатлардан парранда гўшти импорт қилади? Хитой рўйхатда йўқ
Ўзбекистонга 14 та давлатдан қиймати 11,7 милион долларга тенг бўлган 12,4 минг тонна парранда гўшти импорт қилинган.
Давлат статистика қўмитаси Ўзбекистон энг кўп қайси давлатлардан парранда гўшти импорт қилаётгани бўйича маълумот берди.
Унга кўра, 2022 йилнинг январь-март ойларида Ўзбекистонга 14 та давлатдан қиймати 11,7 милион долларга тенг бўлган 12,4 минг тонна парранда гўшти импорт қилинган.
Парранда гўшти импорти 2021 йилнинг мос даври билан солиштирилганда 1,1 минг тоннага ошган.
2022 йилнинг дастлабки 3 ойида Ўзбекистон энг кўп парранда гўштини импорт қилган давлатлар:
- Польша — 3,3 минг тонна;
- Туркия — 2,7 минг тонна;
- Россия — 1,7 минг тонна;
- Бельгия — 1,6 минг тонна;
- АҚШ — 828,5 тонна;
- Литва — 484 тонна;
- Нидерландия — 428 тонна;
- Германия – 261 тонна.
Маълумот учун, Ўзбекистонда гўштни қўшилган қиймат солиғидан озод қилиш муддати узайтирилди.
Гўшт (мол гўштини, қўй гўштини), тирик ҳайвонлар (молни ва қўйни) ва уларни сўйишдан олинган маҳсулотларни, картошкани реализация қилиш бўйича айланма, шунингдек уларни Ўзбекистонга олиб киришда қўшилган қиймат солиғидан озод қилиш муддати 2022 йил 31 декабргача чўзилди.