Давлат солиқ қўмитаси делегацияси Ўзбекистоннинг Шаффофлик ва солиқ мақсадларида маълумот алмашиш бўйича глобал форумга аъзо бўлиш бўйича аризасини ташкилотнинг котибиятига тақдим қилган эди. Бу ҳақда қўмита матбуот хизмати хабар бермоқда.

Аризани кўриб чиқиш натижаларига кўра, 18 май куни Ўзбекистон глобал форумда иштирок этувчи давлатлар рўйхатига киритилди, дея хабар берди ташкилотнинг расмий сайти глобал форум раиси Мария Хосе Гардга таяниб.

Шаффофлик ва солиқ мақсадларида маълумот алмашиш бўйича глобал форум ўз фаолиятини Иқтисодий ҳамкорлик ва тараққиёт ташкилоти шафелигида олиб боради. Глобал форум аъзо юрисдикциялар ўртасида солиқ мақсадларида маълумот алмашиш учун платформа бўлиб хизмат қилиб, солиқ маъмуриятчилиги шаффофлигини таъминлашда муҳим самарали инструмент ҳисобланади.

Таъкидланишича, глобал форумга аъзолик Ўзбекистонга солиқ мақсадларида автоматик тарзда маълумот алмашишга имкон бериб, ноқонуний молиявий оқимларга қарши курашишда янги босқичга ўтиш учун шароит яратади. 

Ўз навбатида, чет эл корхоналари томонидан глобал форумга қўшилиш маҳаллий ва чет эл корхоналари учун тенг бизнес шароитини яратиш учун асос сифатида баҳоланади.