Ўзбекистон валюта бозоридаги савдолар ҳажми 295 трлн сўмдан ошди
Ўзбекистон валюта биржаси 2022 йилнинг январь-ноябрь ойлари бўйича бозорларнинг умумий шарҳини эълон қилди. Унга кўра, 11 ойда валюта бозоридаги умумий савдолар ҳажми 295,05 трлн сўмни ташкил этди
Ўзбекистон валюта биржаси (ЎзРВБ) жорий йилнинг январь-ноябрь ойлари бўйича бозорларнинг умумий шарҳини эълон қилди.
Унга кўра, ЎзРВБдаги умумий савдолар ҳажми рекорд даражани – 625,31 трлн. сўмни ташкил этди. Бу ўтган йилнинг мос кўрсаткичига нисбатан 84,26 фоиз ўсишни ташкил этди.
2022 йил январь-ноябрь ойларида валюта бозоридаги умумий савдолар ҳажми 295,05 трлн. сўмни ташкил қилиб, ўтган йилги мос кўрсаткич (187,29 трлн. сўм)дан 1,6 баробар ошди.
2022 йил январь – октябрь ойларида пул бозоридаги савдоларнинг умумий ҳажми 235,23 трлн. сўмни ташкил этиб, ўтган йилги мос кўрсаткич (125,78 трлн. сўм)га нисбатан 87,02 фоизга ошди.
ЎзРВБ қарз бозорида давлат қимматли қоғозлари (ДҚҚ) – Молия вазирлигининг облигациялари ва мажбуриятлари, шунингдек Марказий банкнинг облигациялари савдолари амалга оширилади. Ҳисобот даврида ушбу бозорда 81,38 трлн. сўмлик давлат қимматли қоғозлари жойлаштирилган бўлиб, 2021 йил кўрсаткичи (21,38 трлн. сўм)га нисбатан 3,8 маротаба кўп бўлди.
