Ўзбекистонда 100 дан ортиқ АЁҚШга бензин етказиб бериш тўхтатилди. Бу тадбиркорга зарарми ёки истеъмолчига?
Энергетика вазирлиги бензин сотишда аниқланган қоидабузарликлар учун 109 та АЁҚШга бензин етказиб бериш тўхтатилганини маълум қилди. Жумладан, қиодабузарликка йўл қўйган АЁҚШлар сони Андижонда 4 та, Бухорода 8 та, Жиззахда 4 та, Қашқадарёда 19 та, Қорақалпоғистонда 5 та, Наманганда 4 та, Самарқандда 26 та, Сурхондарёда 1 та, Тошкент вилоятида 5 та, Тошкент шаҳрида 7 та, Фарғонада 22 та ҳамда Хоразмда 4 тани ташкил қилади
Энергетика вазирлиги бензин сотишда аниқланган қоидабузарликлар учун 109 та АЁҚШга бензин етказиб бериш тўхтатилганини маълум қилди. Иқтисодчи Отабек Бакиров мазкур ҳолатни кескин танқид қилди.
Қайд этилишича, 109 та тадбиркорлик субъектига тегишли хусусий АЁҚШларда бир қатор қоидабузарликларга йўл қўйилгани (нархни асоссиз равишда ошириб сотиш, камомадга йўл қўйиш, сифатсиз маҳсулот тарқатиш, кам қуйиш ва бошқа ҳолатлар) аниқланди.
Жумладан, қиодабузарликка йўл қўйган АЁҚШлар сони Андижонда 4 та, Бухорода 8 та, Жиззахда 4 та, Қашқадарёда 19 та, Қорақалпоғистонда 5 та, Наманганда 4 та, Самарқандда 26 та, Сурхондарёда 1 та, Тошкент вилоятида 5 та, Тошкент шаҳрида 7 та, Фарғонада 22 та ҳамда Хоразмда 4 тани ташкил қилади.
Отабек Бакировнинг таъкидлашича, метан билан боғлиқ қатъий чекловлар амал қилаётган бир шароитда бензин савдоси билан шуғулланадиган АЁҚШларнинг ёпилиши жуда катта хато. Чунки ўзи бусиз ҳам жуда кўп ҳудудларда бензин сотувчи АЁҚШлар жуда кам. Айрим туманларда битта ё иккита АЁҚШ фаолият кўрсатади.
Шунингдек, Самарқанд вилоятида нақ 26 та, Фарғона вилоятида эса 22 та АЁҚШга бензин етказиш тўхтатилган. Вилоятлар қирқимида аниқ статистика йўқ, лекин кузатишларга кўра, ушбу шохобчалар камида мазкур вилоятлардаги АЁҚШларнинг учдан бирини ташкил этиши мумкин. Балки айрим туманларда ишлайдиган биронта АЁҚШ ҳам қолмаган бўлиши эҳтимолдан ҳоли эмас.
«Бу билан қоидабузарликлар жазоланмасин демаяпман, лекин жазо шакли бошқачароқ, балки молиявий бўлиши керак ва бу жазо АЁҚШ фаолиятини тўхтаб қолиши оқибатларини яратмаслиги зарур. Айниқса ҳозир, айниқса вилоятларда. Акс ҳолда бу истеъмолчиларни жазолаш бўлади, қоидабузар бизнесни эмас», — дейди Отабек Бакиров.