Ўзбекистонда 2021 йил қанча нефть хомашёси қазиб олингани маълум бўлди
Нефть қазиб олиш ҳажми 2020 йилга нисбатан салкам 3 фоизга ошди.

Ўзбекистонда 2021 йил 774 минг нефть хомашёси қазиб олинди. Бу ҳақда Давлат статистика қўмитаси матбуот хизмати хабар берди.
Маълумотларга кўра, 2021 йилда республикада жами 774 минг тонна нефть хомашёси қазиб олинган. Шунингдек, нефть хомашёсининг қазиб олиш ҳажми 2020 йил билан солиштирилганда 2,9 фоизга ошган.
Аввалроқ Ўзбекистонда нефть ишлаб чиқариш салкам 40 минг тоннага камайгани хабар қилинганди. Хабарга кўра, 2021 йилнинг январь-сентябрь ойларида 519 минг тонна нефть ишлаб чиқарилиб, ишлаб чиқариш ҳажми 2020 йилнинг мос даври билан солиштирилганда 37,2 минг тоннага камайган.
Шунингдек, қўмита ахборотида ишлаб чиқариш ҳажми нима сабабдан камайгани бўйича маълумотларни тақдим этилмаган.






