Ўзбекистонда «Мир» карталарига хизмат кўрсатиш кўриб чиқилмаяпти
Марказий банк раҳбарининг таъкидлашича, Ўзбекистон банклари ишлаётган тизимда иккиламчи санкциялар бўйича катта хавфлар мавжуд
Маълум бўлишича, Ўзбекистоннинг тижорат банклари бугунги кунда «Мир» карталарига хизмат кўрсатишда хавфлар кўрмоқда. Бу ҳақда «РИА Новости» ҳабар берди.
Ўзбекистон банклари иккиламчи санкциялар хавфи сабаб «Мир» карталари бўйича тўлақонли хизмат кўрсатишни қайта йўлга қўйишга ҳозирча тайёр эмас, деди Марказий банк раҳбари Мамаризо Нурмуротов.
«Йўқ. Ҳозирча хизмат кўрсатишни қайта тиклаш ҳақидаги масала кун тартибида йўқ», — деди у Самарқанддаги иккинчи халқаро иқтисодий форумнинг норасмий қисмида Ўзбекистонда «Мир» тизими фаолиятини қайта тиклашнинг эҳтимолий муддатлари ҳақидаги саволга жавоб бераркан.
Ягона умумреспублика процессинг маркази 23 сентябрдан Россиянинг «Мир» тўлов тизими карталарини Ўзбекистонда қабул қилишни тўхтатган эди. Ушбу чеклов Uzcard — «Мир» кобейжинг карталарига тааллуқли эмас, аммо бу карталар Ўзбекистондан ташқарида ишламайди. Бир қатор банкларнинг сайтларида шундай қўшма карталар ҳақидаги бўлимлар олиб ташланди.
АҚШ Молия вазирлигининг иккиламчи санкциялар хавфи ҳақидаги огоҳлантиришидан сўнг Қозоғистон, Арманистон, Туркия ва Вьетнамнинг ҳам бир қатор банклари «Мир» карталарига хизмат кўрсатишни чеклаб қўйди.
Аввалроқ Ўзбекистонда «МИР» тўлов тизими карталари кайта тикланганлиги ҳақида айтилганди. Қўшимча қилинишича, «Uzcard-Мир» кобейж карталари хорижда МТКТ иштирокчи банкларнинг эквайринг тармоғида қабул қилиниши кўзда тутилган.
