Ўзбекистондаги 4 та университет Британиянинг THE рейтингига кирди
ОТМлар янги турдаги мақом — Reportеr университетлар қаторида эътироф этилган.
Буюк Британиянинг Times Higher Education агентлиги Ўзбекистондаги 4 та олий таълим муассасасини ёш университетлар рейтингига киритди. Бу ҳақда Таълим инспекцияси хабар берди.
Young University Rankings – 2022 доирасида қуйидаги ОТМлар янги турдаги мақом — Reportеr университетлар қаторида эътироф этилган. Булар:
- Тошкент давлат юридик университети;
- Тошкент педиатрия тиббиёт институти;
- Турин политехника университети;
- Урганч давлат университети.
Ушбу мақом орқали юқоридаги олийгоҳлар дунёнинг ТОП университетлари рейтингига кириш учун номзод сифатида яна бир катта қадамни қўйди.
Маълумот ўрнида, Young University Rankings рейтинги дунёнинг 50 ва ундан кичик ёшдаги энг яхши университетлари рўйхатини тузади. Рўйхат World University Rankings флагмани билан бир хил 13 та мезон кўрсаткичларига асосланади. 2022 йилги рейтинг 539 та университетни ўз ичига олиб, шундан 251 та олийгоҳ Reportеr мақомига эга бўлди.
