Рейтинг. Ўзбекистон энг кўп цемент импорт қилаётган 5 та давлат
Импорт ҳажми 2021 йилнинг мос даври билан солиштирилганда 79,8 минг тоннага камайди.
Ўзбекистон январь ойида 116 минг тонна цемент импорт қилди. Бу ҳақда Давлат статистика қўмитаси матбуот хизмати хабар берди.
Маълумотларга кўра, 2022 йилнинг январь ойида Ўзбекистон қиймати 4,4 миллион долларга тенг бўлган 116,1 минг тонна цемент импорт қилинган. Цемент импорти ҳажми 2021 йилнинг мос даври билан солиштирилганда 79,8 минг тоннага камайган.
Қайд этилишича, 2022 йилнинг январь ойида Ўзбекистон цемент импорт қилган асосий давлатлар қуйидагилардан иборат:
- Тожикистон — 53 минг тонна;
- Қирғизистон — 36,3 минг тонна;
- Қозоғистон — 26,5 минг тонна;
- Эрон — 195,8 тонна;
- Туркманистон — 135,8 тонна.
Аввалроқ Ўзбекистон товар-хом ашё биржасида пахта ёғи ва цемент нархи пасайгани хабар қилинганди. Шунингдек, Ўзбекистонда юридик шахсларга цементни чекловларсиз экспорт қилишга рухсат берилиши ҳақида хабар берилди.
