Ўзбекистон 2021 йилнинг январь-ноябрь ойларида 13 та хорижий давлатдан гуруч импортини амалга оширди. Бу ҳақда Давлат статистика қўмитаси матбуот хизмати хабар берди.

Маълумотларга кўра, 2021 йилнинг январь-ноябрь ойларида Ўзбекистон 13 та хорижий давлатдан қиймати 7,4 миллион долларга тенг бўлган қарийб 28 минг тонна гуруч импорт қилган. Шунингдек, гуруч импорти 2020 йилнинг мос даври билан солиштирилганда 17,7 минг тоннага ошган.

Қайд этилишича, 2021 йилнинг ўтган 11 ойида Ўзбекистон энг кўп гуруч импорт қилган давлатлар қуйидагилардан иборат:

1. Қозоғистон — 27,5 минг тонна;
2. Покистон — 248,2 тонна;
3. Хитой — 60 тонна;
4. Россия — 18,2 тонна.

Аввалроқ Ўзбекистоннинг ташқи савдо айланмаси таркиби маълум қилингани ҳақида хабар берилганди. Шунингдек, Ўзбекистонда деҳқончилик учун 1 гектаргача ер ижарага берилиши хабар қилинди.