Давлат статистика қўмитаси Ўзбекистон энг кўп какао импорт қилаётган давлатлар ҳақида маълумот берди. 

Унга кўра, 2021 йилнинг январь-ноябрь ойларида Ўзбекистон 39 та хорижий давлатлардан қиймати қарийб 100 миллион долларга тенг бўлган 42,8 минг тонна какао ва ундан тайёрланган маҳсулотларни импорт қилган. Импорт ҳажми 2020 йилнинг мос даври билан солиштирилганда 12,8 минг тоннага ошган. 

2021 йилнинг 11 ойида импорт қилинган какао ва ундан тайёрланган маҳсулотларининг энг катта улушига эга бўлган давлатлар:

1. Россия — 32,2 минг тонна;
2. Украина — 2,6 минг тонна;
3. Нидерландия — 1,3 минг тонна;
4. Қозоғистон — 1,3 минг тонна;
5. Туркия — 1,2 минг тонна;
6. Малайзия — 1,2 минг тонна;
7. Германия — 256 тонна.

Аввалроқ дунё бўйлаб қаҳванинг нархи сўнгги 10 йил ичида энг юқори кўрсаткичга етгани маълум бўлганди.