Рейтинг. Ўзбекистонда энг кўп ахборот ва алоқа корхоналари мавжуд ҳудудлар
Кўрсаткич 2021 йилнинг мос даври билан солиштирилганда 3,9 фоизга ошган.
Давлат статистика қўмитаси Ўзбекистонда энг кўп ахборот ва алоқа корхоналари мавжуд ҳудудларни эълон қилди.
Қайд этилишича, 2022 йилнинг 1 апрель ҳолатига кўра, республикада жами ахборот ва алоқа соҳасида фаолият кўрсатаётган корхоналар сони 10 865 тани ташкил этган.
Кўрсаткич 2021 йилнинг мос даври билан солиштирилганда 3,9 фоизга ошган. 2022 йилнинг январь-март ойларида ахборот ва алоқа соҳасида 615 та корхоналар янги ташкил этилиб, уларнинг 612 таси кичик тадбиркорлик субъектлари ҳиссасига тўғри келган.
Ушбу соҳада янги ташкил этилган корхоналар сони бўйича энг кўп улушга эга бўлган ҳудудлар:
- Тошкент шаҳри — 227 та;
- Самарқанд вилояти — 68 та;
- Фарғона вилояти — 44 та;
- Тошкент вилояти — 37 та.
Аввалроқ Шавкат Мирзиёев ахборот технологиялари ва рақамли иқтисодиётни ривожлантириш бўйича йиғилишда Ўзбекистондаги 118 та олис қишлоққа алоқа тизими ва интернет умуман етиб бормаганини маълум қилганди.
Шунингдек, Президент IT хизматларининг 90 фоизи Тошкент шаҳрига тўғри келиши, энг оғир ҳолат Қорақалпоғистон, Андижон ва Сурхондарёда эканини таъкидлаганди.