Роналду Саудия клубида йилига 200 млн евро маош олиши мумкин
Саудиянинг «Ал-Насср» клуби Роналдуга 2,5 йиллик шартнома таклиф қилмоқда. Унга кўра португалиялик ҳужумчи йилига 200 млн евро маош олиши мумкин
Португалиялик ҳужумчи Криштиану Роналду Саудиянинг «Ан-Наср» клуби билан шартнома имзолашга яқин турибди. Бу ҳақда Sovsport хабар берди.
Манбага кўра, клуб «Манчестер Юнайтед»нинг собиқ футболчисига икки ярим йиллик шартнома ва 500 миллион евро таклиф қилишга тайёр. Шу билан бирга, португалияликнинг йиллик маоши ва рекламадан мумкин бўлган даромади 200 миллион еврога баҳоланмоқда.
Ноябрь ойида «Манчестер Юнайтед» ҳозирда эркин агент мақомида бўлган Роналду билан шартномани бекор қилганини эълон қилганди.
Маълумот учун, Роналду «Манчестер Юнайтед» сафида барча мусобақаларда 16 та ўйинда майдонга тушиб, 3 та гол урди ва 2 та голли узатмани амалга оширди.
