2022 йил март ойида Россия қарши санкциялар жорий қилингандан сўнг автомобиллар нарлари кескин кўтарила бошлади. Бу ҳақда Авто Mail.ru хабар бермоқда.

Қайд этилишича, кўплаб автомобиль ишлаб чиқарувчи ташкилотлар чет элдан транспорт воситалари импортини тўхтатгани сабабли Россияда янги автомобиллар етишмовчилиги юзага келган. 

Портал мутахассисларининг таъкидлашича, ҳозирда «янги автомашиналар етишмаслиги ҳолати кузатилиб, дилерлар баъзи моделлар учун нархларни 2021 йилга нисбатан уч баравар кўпроққа баҳолаган».

Европа бизнес ассоциацияси (ЕБА) маълумотларига кўра, Россияда янги автомобиллар хариди бир неча ойдан бери тўхтовсиз пасайиб бормоқда. «Нархларнинг тинимсиз ўсиши» сабабли 2022 йилнинг дастлабки беш ойида харидлар 52 фоизга камайган. 

Расмий маълумотлар сотувдаги энг машҳур автомобиль — Lada Vesta йил бошидан бери 30 фоизга ошган. 

«Дилерлик марказларида устама тўлов ва мажбурий қўшимча имкониятлар сабабли нарх 100 фоизга ошиши мумкин ва 2 миллион рублни ташкил этади (бугунги курс бўйича 351 миллион 864 884 сўм)», дея таъкидлайди портал.  

Қайд этилишича, Hyundai Solaris расмий нархи ўртача 1,3−1,5 миллион туради, аммо сотиб олиш учун фақат 2 миллион рублга топиш мумкин. Худди шу нарх универсал кузовли Lada Largus’га ҳам тегишли. 

Унинг нархи 1,3 миллион рублдан бошланади, лекин аслида дилерлар машинани 50 фоизга қиммат (342 миллион 970 762 сўм) сотади. Бюджетли механик узатмали 1,6 литр ҳажмли мотор ва олди приводли Renault Kaptur 2 миллион рублга сотилмоқда.

Вариаторли Kaptur ва дизелли Duster учун 1,95 миллион рубль нарх белгиланган. Худди шу нархда юқори даражада жиҳозланган, «мульти-руль», механик узатмали, ва мультимедиа тизимли«Патриот» УАЗ сотувга қўйилган. 

«Нархи барча дилерлик ҳийла-найранглари орқали оширилган автомат узатмали УАЗ нархи эса 3,1 миллион рублни (545 миллион 235 570 сўм) ташкил этади», дейилади хабарда. 

Худди шу каби вазият премиум брендлари орасида кузатилмоқда. Toyota RAV4 ва Toyota Camry япон моделларининг нархи олти ой ичида мос равишда 23,1 фоиз ва 21,4 фоизга ошди деб айтилмоқда, аслида нархларнинг ўсиши 100 фоиз ва ундан юқорини ташкил этади. 

Автоулов мутахассисларининг фикрича, бу узоқ давом этмаслиги лозим ва ушбу вазиятни ечимини топиш керак.