Россияда ҳарбий ҳаракатлар учун мослаштирилган робот яратилди
Робот ҳарбий ҳаракатларда қатнашиши, фавқулодда вазиятлар оқибатларининг олдини олиши, шунингдек, лазер ёрдамида дронларни уриб тушириши мумкин
Россияда «Маркер-2» роботи янги вазифалар, жумладан, Украинадаги «махсус ҳарбий операция» топшириқларини аъло даражада якунлаш учун яратилади, дея хабар берди «РИА Новости».
«‘Маркер’ лойиҳаси янада мукаммал тарзида ишлаб чиқилади. Платформанинг массаси ва ўлчамлари аллақачон йиғилган олдинги намуналар билан бир хил бўлиб қолишига қарамай, уларнинг функционаллиги ва имкониятлари сезиларли даражада кенгайтирилади»,-дейилади хабарда.
Шартли «Маркер-2» фавқулодда вазиятлар оқибатларини ҳимоя қилиш, махсус операция давомида аниқланган қўшинларнинг эҳтиёжларини ҳисобга олган ҳолда ҳарбий ҳаракатлар шароитида қўллаб-қувватлаш ишларини олиб бориши мумкин. Робот шаҳар шароитида ҳам, олдинги зонада ҳам ишларни бажариш учун мўлжалланган. Бундан ташқари, Фавқулодда вазиятлар вазирлиги мутахасисларига учта «Маркер» топширилган бўлиб, улар ҳозирда роботларни фавқулодда вазиятларни бартараф этиш ва олдини олиш, жумладан, ҳар хил турдаги мураккаб ёнғинларни ўчириш вазифаларига мослаштирмоқда.
Шунингдек, робот дронларни ҳам лазер ёрдамида йўқ қилиши мумкин. Агентликнинг аниқлик киритишича, ушбу лойиҳа бўйича ҳамкорликда иштирок этувчи корхоналар ва «Маркер-2»га ўрнатиладиган қурол тизимлари устида изланишлар олиб борилмоқда.
«Маркер» робот қурилмаси Advanced Research Foundation лойиҳаси доирасида ишлаб чиқилган. Илк синов жараёни 2021 йилда ўтказилган. Мажмуа уч тоннага яқин массага эга, турли хил қуроллар билан жиҳозланиши мумкин. Ишланма сунъий интеллект технологиялари асосида объэктни таниб олиш билан Россиядаги энг илғор автоном ҳаракат қобилиятларига эга ҳисобланади.