Россиянинг Украинадаги махсус ҳарбий операцияси бошлангандан бери Россиядаги иш фаолиятини қисқартирган ёки мамлакатни тарк этган хорижий компаниялар 240 миллиард долларга яқин зарар кўрди. Бу ҳақда Стратегик тадқиқотлар маркази ҳисоб-китобида малум қилинган.

Энг кўп зарар АҚШ (102 миллиард доллар), Буюк Британия (78 миллиард доллар) ва Германия (51 миллиард доллар) компаниялари ҳиссасига тўгри келади. 2022 йил сентябрь ойи бойича Россияда фаолият юритаётган хорижий компанияларнинг 34 фоизи мамлакатдаги фаолиятини тўхтатиб қўйган,15 фоизи ўз бизнесларини сотиб юборган ҳамда 7 фоизи ўз фаолиятини бутунлай тўхтатишга мажбур бўлган.

Қайд этилишича, Россиядаги бизнесини сотишга қарор қилган компанияларнинг 33 фоизи аллақачон бизнесини янги эгалари топширган, 34 фоизи ўтказиш бўйича келишув устида ишлаётган бўлса, қолган 33 фоиз тадбиркорлар харидор қидириш билан оввора.

Хабарда айтилишича, Россияда даромади қарийб 6 миллиард рублга яқин бўлган 600 та хорижий компанияларнинг 44 фоизи одатдагидек ишлашда давом этмоқда.

Аввалроқ Россиянинг халқаро захиралари 9 млрд долларга камайгани ҳақида хабар қилинганди.